قاعدين لا بينا ولا علينا، وبنستعد للإحتفال بالعام الجديد، وفجأة نلاقي ناس بتصوت نبص ناحية الصويت، نلاقيه جاي من شرق اسيا، نسأل دا من أنهي دولة نلاقيه من الصين، طب مالك يا صين بتصوتي ليه يا حببتي، أصل عندي فيروس، فيرس؟، فيرس اي يا صين، فيرس جديد اسمه كورونا
ايه هو كورونا؟ وامتى ظهر؟ وبيتنقل ازاي؟ وازاي احمي نفسي منه؟
دا اللي هنعرفه في حلقة النهاردة..... اشوفك بعد الانترو
اي هو الكورونا؟
فيرس كورونا او كوفيد ١٩ او كوف سارس ١٩ احد افراد عائلة كورونا الخبيثة واللي معروفة في الوسط العلمي باسم الفيروسات التاجية
هتسالني طب ليه اسمها الفيروسات التاجية ؟! مع إني أنا اللي سالت بس هجاوبك علشان انت غالي عليا ، اسمها الفيروسات التاجية علشان بتظهر تحت الميكروسكوب على شكل تاج او حاجه لابسه تاج
ظهر امتى؟
ظهر الفيروس الجميل الصغنطوط دا، في نهاية شهر نوفمبر الماضي ، يعني تعمل بأصلك كدا وتجهزله هدية تقدمهاله شهر نوفمبر الجاي كهدية عيد ميلاد، تقولي طب وانت هتقدمله هدية د؟، هقولك لا عزيزي المشاهد انا مش بروح الصين علشان مش بعرف اكلم صيني ، المهم يا سيدي ظهر الفيروس في مدينة ووهان الصينية
ببتنقل ازاي؟
بيتنقل أيها المشاهد الجميل عن طريق العطس او الكحة هتقولي او يعني ازاي بيتنقل عن طريق العطس او الكحة؟ هقولك لما انا او انت بنعطس او نكح بعد الشر عليا طبعا مش هقولك بعد الشر عليك قول لنفسك انت مش صغير، المهم الكحة او العطسة بتنزل قطرات مية صغيرة اسمها بالانجليزي دروبلتس ملكش دعوة بالكلمة دي اعتبرني مقولتهاش بقولك بالانجليزي، المهم قطرات المية دي أو الدروبلتس دي هي اللي بتحمل الفيروس، فلو انت يا سيدي قاعد جمب حد بيعطس او يكح مش هقول بعد الشر عليه، خليه يقول لنفسه هو مش صغير، المهم الدروبلتس اللي بتطلع من الشخص اللي قاعد جمبك دا ممكن تيجي في وش سيادتك او في ايد سيادتك اللي انت هتحطها على وشك اصلا بعد وتجبلنا مصيبه، لما انت بتاخد الفيرس على ايدك وتحطها على وشك فالفيرس بيدخل لجسمك عن طريق عينك او مناخيرك او بقك وبعد كدا يبدأ يتكاثر بطريقة مخيفة جوا جسمك
طب ازاي احمي نفسي من الفيرس دا ؟
شوف يا سيدي ركز معاي علشان متقعش في المصيبة و تقعد تولول وتصدعنا
اولا تسيب مسافة بيتك وبين اللي قدامك ع الاقل اربعة متر
ثانيا تغسل ايدك بالمية والصابون بعد ما تلمس اي سطح مشترك زي المواصلات او الاماكن العامة عامة
ثالثا تتهد وتقعد في بيتك
وربنا يحرمني ويحميني يا عزيزي المشاهد مش هدعيلك ادعي لنفسك انت مش صغير
س
| اسم المستقل | Walid A. |
| عدد الإعجابات | 1 |
| عدد المشاهدات | 153 |
| تاريخ الإضافة | |
| تاريخ الإنجاز |